विमानस्थलमा घुस लिदैगर्दा भन्सारका दुई अधिकृत पक्राउ

अख्तियार दुरुपयोग अनुसन्धान आयोगले त्रिभुवन अन्तर्राष्ट्रिय विमानस्थलको भन्सारका दुई अधिकृतलाई १ लाख ४१ हजार रुपैयाँ घुस लिदै गर्दा रंगेहात पक्राउ परेको छ । आयोगबाट खटिएका विशेष टोलीले शुक्रबार साँझ विमानस्थल भन्सारका अधिकृत मिनर्भा अधिकारी र शान्तराज रेग्मीलाई रंगेहात पक्राउ गरेको हो ।

कार्यालयबाट घर फर्किने बेलामा विशेष सूचनाको आधारमा आयोगका विशेष टोलीले अधिकारीको झोलाबाट २२ हजार ५ सय रुपैयाँ, उनको गाडिको म्याटमुनी खुट्टा राख्ने ठाउँबाट ३९ हजार रुपैयाँ बरामद गरेको हो ।

त्यसैगरी, रेग्मीको साथबाट ७९ हजार ५ सय रुपैयाँ बरामद गरेको छ निजहरुले प्रयोग गरेको दुई थान मोबाइल फोन सेटसमेत बरामद गरी उनीहरुलाई अनुसन्धानका लागि आयोगको हिरासतमा राखिएको छ ।